شاعیری گەورەی ناسراوی عێراقی و عەرەبی سەعدی یوسف لە تەمەنی ٨٧ ساڵیدا بە هۆی نەخۆشیەوە لە لەندەن شەممە ١٢ ی حوزەیران کۆچی دوایی کرد.

سەعدی یوسف یەکێک بووە لە نەیارەکانی رژێمی بەعسی پێشوو و لە ساڵەکانی حەفتاکانی سەدەی رابردووەوە عێراقی جێهشتووەو لە چەند ساڵی کۆتایی ژیانیدا لە لەندەن نیشتەجێ بووە. بە یەکێک لە شاعیرە پێشکەوتووخوازەکانی عێراق و عەرەب هەژمار دەکرێت.

سەعدی یوسف ساڵی ١٩٣٤ لە بەسرە لە دایکبووەو هەر لەوێ دارموعەلمینی تەواو کردووە. دواتر لیسانسی لە ئەدەبی عەرەبیدا وەرگرتووە.

خاوەنی ٣٥ کتێبی شیعری و ١٤ رۆمانی وەرگێڕدراوە.

ڵەچەندان گۆڤاری رۆشنبیری لەوانە ( ثقافة الجديدة ) کاری کردووە.

خاوەن چەندان خەڵاتی عەرەبی و بیانییە.

لەدوای راپەرینی ١٩٩١ەوە تا ئەم ساڵانەی دوایی چەند جارێک سەردانی کوردستانی کردووە.