لیژنەی ئەمنی سلێمانی لەبارەی روداوەکەی شەوی رابردوو ڕاگەیەندراوێکی بڵاوکردەوە و دەڵێت" هەركەسێك لە پشت تەقەكردنەكەوە بێت لێپرسینەوەی توندی لەگەڵدا دەكرێت".
لیژنەی ئەمنی پارێزگای سلێمانی لە راگەیەندراوێکی کورتدا بڵاویکردەوە، ھەر کەسێک لە پشت ڕوداوی تەقەکردنەکەی شەوی رابردوو بێت لێپرسینەوەی توندی لەگەڵ دەکرێت و دەدرێتە دادگا.
جێی باسە، مستەفا چاوڕەش، بەرپرسی یەكەی ٧٠ی هێزەكانی یەكێتی لە لێدوانێکی ڕۆژنامەوانیدا ڕایگەیاند" پێشنیوەڕۆی ئەمڕۆ سێشەممە لە بارەگای یەكەكانی ٧٠، كێشەی تەقەكانی شەوی رابردوویان چارەسەر كردووە، لە كۆبوونەوەكەدا نوێنەری سەرجەم هێزە ئەمنییەكان ئامادەبوو، بە رێككەوتن و رەزامەندی هەموویان كێشەكە چارەسەركرا".
ئەوەش لەكاتێكدایە، شەوی ڕابردوو لە گەڕەكی سەرچناری شاری سلێمانی شەڕەتەقە لەنێوان دوو هێزی ئەمنیدا روویدا و بەهۆیەوە ١١ كەس برینداربوون.