پۆلیسی هەولێر دەستگیركردنی تۆمەتبارێكی راگەیاند كە بەفێڵ زیاتر لە 80 دەفتەر دۆلاری ئەمریكی لە چەند هاوڵاتییەك وەرگرتبوو.
بەڕێوەبەرایەتی پۆلیسی پارێزگای هەولێر ڕایگەیاند" بەشی پۆلیسی ناوشار رۆژهەڵات/ بنکەی پۆلیسی باداوە، تۆمەتبارێکیان بەناوی (ز. ا. ر.) دەستگیر کرد، کە بەپێی ماددەی (٤٥٦) لە یاسای سزادان داواکرابوو".
ئاماژەی بەوەشکردووە: تۆمەتباری ناوبراو هەڵسابو بە فێڵکردن لە زیاتر لە سێ هاوڵاتی و سێ پەڕاوی لێکۆڵینەوەشی لە هەمان بنکە هەبو کە بڕی 800 هەزار(80 دەفتەر) دۆلاری ئەمریكی بە فێڵ لە هاوڵاتیان وەرگرتبو.
پۆلیسی هەولێر ئەوەشی خستۆتەڕوو: تۆمەتبار لە ئێستادا بەپێی هەمان ئەو ماددە یاساییەی سەرەوە، راگیراوە.