سەرۆك وەزیرانی پۆڵەندا لەسەر دۆسییەی كۆچبەران هۆشداری دەدات و دەڵێت" ئێمە بەرگری لە سنوورەكانی پۆڵەندا و ئەوروپا دەكەین".
ماتیۆس مۆرا فیسکى، سەرۆک وەزیرانى پۆڵەندا لە کۆنگرەیەکى رۆژنامەوانیدا رایگەیاند" ئەوەی بیلاڕوسیا دەیكات دژایەتی كردنی ئێمە و ئەوروپایە، بۆیە دەبێت هەموو وڵاتانی یەكێتی ئەوروپا هاوكارمان بن لە پرسی كۆچبەران".
ڕاشیگەیاند" بیلاڕوسیا كۆچبەران وەك كارتی گوشار بەرامبەر بە ئەوروپا بەكاردەهێنێت و خەڵك لە ڕۆژهەڵاتی ناوەڕاستەوە دەهێنن بۆ ئەوروپا".
جەختیشى کردەوە، سنورەکانمان توندتر دەکەینەوە و بە رووى بیلاروسیادا بە تەواوى دادەخەین.
سەرۆک وەزیرانی پۆڵەندا ئەوەشی خستەڕوو: پۆڵەندا ڕووبەڕووی هەڕەشە بۆتەوە، بۆیە پێویستە سزای زیاتر بەسەر بیلاڕوسیا بسەپێنرێت.