وەزارەتی شارەوانی و گەشتوگوزاری هەرێم لەبارەی پارەی ڕاگرتنی ئۆتۆمبێل لەسەر شەقامەکانی هەولێر ڕوونکردنەوەیەکی بڵاوکردەوە و دەڵێت" ئەو هەواڵە ڕاست نییە و ڕاگیراوە".
وەزارەتی شارەوانی لە ڕوونکردنەوەکەدا ئاماژەی بەوەکردووە، ئەم بابەتە پێش كابینەی نۆیەم سەریهەڵداوە، بەڵام لەگەڵ دەستبەكاربوونی كابینەی نۆیەمدا ڕاگیرا و جارێکی تر خرایەوەژێر پرۆسەی وردبینی و دیراسەت.
ئەوەشی خستەڕوو، هەر پڕۆژەیەک لە هەر فەرمانگەیەكی وەزارەتی شارەوانی و گەشتوگوزار جێبەجێبكرێت، لەژێر ڕۆشنایی و بە جێبەجێكردنی یاسا و ڕێنماییە بەرکارەكانی حكومەتی هەرێمی كوردستان دەبێت.