سەرلەبەیانی ئەمڕۆ دانیشتنی دادگای فیدراڵی لە شاری بەغدا بۆ بڕیاردانی كۆتایی لەسەر كەیسی هۆشیار زێباری دەستی پێكردووە و تیایدا دادگا بڕیار دەدات كە ئایا زێباری بۆ هەیە خۆی كاندید بكات بۆ پۆستی سەرۆك كۆمار یان نا، ئەوەش بەهۆی سكاڵای سێ پەرلەمانتاری یەكێتی و پەرلەمانتارێكی سەربەخۆ لە پەرلەمانی عێراق دژی زێباری.

هۆشیار زێباری لە دوو كابینەی رابردووی حكومەتی عێراق وەزیری دەرەوە و دارایی بووە و ساڵی 2016 لەسەر كەیسی گەندەڵی، لەلایەن پەرلەمانی عێراقەوە متمانەی لێوەرگیرایەوە، بەڵام بەرپرسانی پارتی دەڵێن ئەوە هۆكارەكەی سیاسی بوو نەك گەندەڵی.