بەڕێوەبەرایەتی ئاسایشی ڕاپەین ئاشکرایان کرد، چوار کەسیان دەستگیر کردووە کە ٢٠ کیلۆ گرام مادەی
هۆش بەریان پێ بووە.
ئەمڕۆ سێشەممە ١٥ی شوباتی ٢٠٢٢، بەڕێوەبەرایەتی ئاسایشی راپەڕین
رایگەیاند " لە درێژەی کار و چالاکیەکانی بەڕێوەبەرایەتیەکەماندا بۆ
رێگریکردن لە بازرگانیکردن و بڵاوبوونەوەی ماددەی هۆشبەر، دوای وەرگرتنی زانیاری و
بڕیاری دادوەر، هێزەکانمان لە بنکەی ئاسایشی هەڵشۆ و بە هەماهەنگی یاریدەدرێتی
ئاسایشی قەڵادزێ و ئاسایشی حاجیاوە چوار تۆمەتبارەکە دەستگیرکران".
هەر لە ڕاگەیاندراوەکەدا ئەوەش هاتووە" ئەو چوار تۆمەتبارە
زیاتر لە ٢٠ کیلۆگرام ماددەی هۆشبەرلە جۆرەکانی هێرۆین، کریستاڵ، حەشیش و تریاکیان
پێبووە لەگەڵ ٩٩ پارچە حەبی بێهۆشکەر و بڕێک لەگیای سەزی هۆشبەر لە جۆری شادانە و
تەرازوویەکی کێشانی ماددەی هۆشبەر".
لە ئێستادا بە فەرمانی دادوەری دادگای پشدەر و بەپێی ماددەی ٢٥
لە یاسای سزادانی عێراقی پەڕاوی لێکۆڵینەوەیان بۆ کراوەتەوە و لێکۆڵینەوەکان
لەگەڵیاندا بەردەوامە.