فراکسیۆنی پارتی دیمموكراتی كوردستان دەربارەی دیاریکردنی ڕۆژی هەڵبژاردن ڕاگەیەندراوێکی بڵاوکردەوە و دەڵێت" له‌گه‌ڵ فراكسیۆنه‌كانی دیکەی په‌رله‌مان هاوكار و هه‌ماهه‌نگی دەکەین بۆ چاره‌سه‌ركردنی گرفتی یاسایی كۆمسیۆنی سه‌ربه‌خۆی هه‌ڵبژاردن و ڕاپرسی له‌سه‌ر بنه‌مای به‌ركه‌وته‌ی لایه‌نه سیاسییه‌كان و لێكتێگه‌یشتنی هاوبه‌ش".
دەقی بڵاوکراوەکەی فراكسیۆنی پارتی تایبه‌ت به هه‌ڵبژاردنی په‌رله‌مانی كوردستان بەم شێوەیەیە:
له ڕوانگه‌ی به‌رپرسیاره‌تی و ئه‌ركی په‌رله‌مانیمان به‌رامبه‌ر به لادانی به‌ربه‌سته یاساییه‌كان له‌به‌رده‌م پرۆسه‌ی هه‌ڵبژاردن ،پێشوازی له مه‌ڕسومی هه‌رێمی جه‌نابی سه‌رۆكی هه‌رێمی كوردستان ده‌كه‌ین به دیاری كردنی ڕۆژی ١ی١٠ی٢٠٢٢ بۆ ئه‌نجامدانی هه‌ڵبژاردنی په‌رله‌مانی كوردستان
بۆ ئه‌م مه‌به‌سته فراكسیۆنی پارتی له‌گه‌ڵ فراكسیۆنه‌كانی تری په‌رله‌مانی كوردستان هاوكار و هه‌ماهه‌نگ ده‌بێت بۆ چاره‌سه‌ركردنی گرفتی یاسایی كۆمسیۆنی سه‌ربه‌خۆی هه‌ڵبژاردن و ڕاپرسی له هه‌رێمی كوردستان له‌سه‌ر بنه‌مای به‌ركه‌وته‌ی لایه‌نه سیاسییه‌كان و لێكتێگه‌یشتنی هاوبه‌ش ،له پێناو ئه‌نجامدانی هه‌ڵبژاردنێكی بێگه‌رد و زه‌مینه‌سازی بۆبه‌شداری هاوڵاتیانی ئازیز له پرۆسه‌ی هه‌ڵبژاردن .
فراكسیۆنی پارتی دیموكراتی كوردستان له په‌رله‌مانی كوردستان