بڕیاربوو ئەمڕۆ سێشەممە ٢٦ی نیسانی ٢٠٢٢ موچەی چەند شوێنێک دابەش بکرێت، بەڵام بەهۆی نەبوونی پارە لە بانکی سلێمانی و دەوروبەری مووچە دابەش نەکرا.
به‌پێى زانیاریه‌كانى ماڵپەڕی (سپی)، به‌پێى ئه‌و خشته‌یه‌ى پێشتر وه‌زاره‌تى دارایی و ئابوری حکومەتی هەرێم ڕایگەیاند بوو، بڕیار بوو ئەمڕۆ مووچەی (سەرۆكایەتی هەرێم و سەرۆكایەتی ئەنجومەنی وەزیران و سەرۆكایەتی پەرلەمان و خانەنشینی پێشمەرگە) دابەش بكرێت، به‌ڵام به‌هۆى نه‌بوونى پاره له به‌شێك له فه‌رمانگه‌كانى سنورى پارێزگاى سلێمانى و هه‌ڵه‌بجه و ئیداره سه‌ربه‌خۆكانى گه‌رمیان و ڕاپه‌ڕین، پرۆسەی دابەشکردنەکە ڕاگیرا.
هەر بەپێی زانیارییەکان، بەیانی ئەمڕۆ بەشێک لە مامۆستایان و فەرمانبەرانی زانکۆی ڕاپەڕین لە سنوری ئیدارەی ڕاپەڕین دژی دواکەوتنی مووچەکانیان گردبوونەوە و ناڕەزایەتیان ئەنجام دا و داوای خەرجکردنی مووچەکانیان دەکەن.
پرۆسەی دابەشکردنی مووچەی ئەم مانگەش هاوشێوەی مانگەکانی رابردوو بە سستی بەڕێوەدەچێت و لە بەشێك لە شارەكان بە تایبەتی لە سنوری پارێزگای سلێمانی بەهۆی نەمانی پارە لە بانكەكان دابەشكردنەكە زیاتر دوادەكەوێت، کە ئەوەش نیگەرانی فەرمانبەرانی لێكەوتۆتەوە.