حكومەتی هەرێمی كوردستان رایدەگەیەنێت، پارەی گەنمی جوتیاران بۆ ئەمساڵ خرایە سەر حیسابی وەزارەتی بازرگانی و پیشەسازی هەرێم.
فەرمانگەی میدیا و زانیاری حكومەتی هەرێمی كوردستان لە راگەیەندراوێكدا بڵاویكردەوە "بڕی ٢٣ ملیار و ٣٥٠ ملیۆن دیناری دیكەی شایستە داراییەكانی جوتیاران خرایە سەر هەژماری وەزارەتی بازرگانی و پیشەسازی هەرێم كە بەسەر پارێزگاكاندا دابەشكراوە".
هەر بەپێی راگەیەندراوەكە لەو بڕە پارەیە (بۆ پارێزگای سلێمانی نۆ ملیار دینار، پارێزگای هەولێر حەوت ملیار و ٧٥٠ ملیۆن، پارێزگای دهۆك شەش ملیار و ٦٠٠ ملیۆن دینار) دابینكراوە.
هەروەها ئەوەش خراوەتەڕوو، بڕیارە دوای تەواو بوونی رێكارە كارگێڕی و داراییەكان پارەكە بەسەر جوتیاراندا دابەش دەكرێت.