فەرمانگەی میدیا و زانیاری حكومەتی هەرێمی كوردستان رایدەگەیەنێت، بە رێكخستنەوەی ماڵپەڕی وەزارەت و فەرمانگەكان، ملیۆنان دیناریان بۆ حكومەتی هەرێم گەڕاندۆتەوە.
د. جوتیار عادل، سەرۆكی فەرمانگەی میدیا و زانیاری و وتەبێژی حكومەتی هەرێم بەبۆنەی تێپەڕبونی سێ ساڵ بەسەر كابینەی نۆیەم لە وتارێكدا رایگەیاند، "32 ماڵپەڕی وەزارەت و فەرمانگە و دەستەكانمان رێكخستوەتەوە، بەمەش توانراوە ملیۆنان دینار بۆ خەزینەی حكومەت بگەڕێنینەوە، هەوڵیشمانداوە پەیوەندییەكی تەندروست لەگەڵ ڕاگەیاندنەكان دروست بكەین".
ناوبراو ئاماژەی بەوەكردووە "كارێكی دیكەی سێ ساڵی كابینەی نۆیەم، ڕێكخستن و وتنەوەی زیاتر لە 20 خولی ڕاهێنان بۆ میدیاكارانی وەزارەت و فەرمانگەكان بوو".