بەڕێوەبەری گشتی بازرگانی هەرێم رایدەگەیەنێت" بڕی (٢٧) ملیار دیناری دیکەی چەکی پارەی گەنمی جوتیاران ڕەوانەی هەرێم کراوە".
نەوزاد کامیل بەڕێوەبەری گشتی بازرگانی هەرێمی کوردستان راگەیەنراوێکی بڵاوکردەوە و تیایدا هاتووە" بەشێکی دیکەی چەکی شایستەی دارایی جوتیاران بۆ ساڵی (٢٠٢٢) گەیشتووەتە هەرێم و دوای تەواوکردنی رێکارە کارگێڕی و داراییەکان دەست بە دابەشکردنی دەکرێت".
ئاماژەی بەوەشکرد، بۆ پارێزگای هەولێر (١٥) ملیار دینار و بۆ پارێزگای سلێمانی حەوت ملیار دینار و بۆ پارێزگای دهۆک پێنج ملیار دینار هاتووە.