باڵیۆزخانەی ئەمریكا لە بەغدا داوای لە سەرجەم لایەنەكانی عێراق كرد دەست بە گفتوگۆ بكەن بۆ چارەسەركردنی كێشە و ئاڵۆزییەكان.
باڵیۆزخانەی ئەمریكا لە بەغدا لە ڕاگەیەنراوێكدا رایگەیاندووە "ئاڵۆزی و نائارامییەكانی ئەمڕۆ لە سەرانسەری عێراق جێگەی نیگەرانییە، چونكە ڕێگە بە دامەزراوەكانی عێراق نادرێت كاربكەن."
هەروەها ئاماژەی بەوەكردوە "ئەمەریكا نیگەرانە لە پەرەسەندنی گرژییەكان و داوا لە هەموو لایەنەكان دەكات كە ئاشتیانە بمێننەوە و خۆیان لەو كردەوانە بەدوور بگرن كە ئەگەری هەیە ببێتە هۆی توندوتیژی."
باڵیۆزخانەی ئەمریكا دەڵێت، "نابێت ئاسایش و سەقامگیری و سەروەری عێراق بخرێتە مەترسییەوە، ئێستا كاتی گفتوگۆیە بۆ چارەسەركردنی ناكۆكییەكان نەك بە ڕووبەڕووبوونەوە."