چوارچێوەی هەماهەنگی شیعەكان داوا لە موقتەدا سەدر دەكەن بگەڕێتەوە سەر مێزی گفتوگۆ.
چوارچێوەی هەماهەنگی لە ڕاگەیەنراوێكدا رایگەیاندووە "داوا لە برایانی ناو ڕەوتی سەدری، بە سەركردە و جەماوەرەوە دەكەین كە بۆ گەیشتن بە لێكتێگەیشتنی هاوبەش، كە نەخشە رێگایەكی روون دابنرێت بۆ ئەوەی یاسا و دەستوور سەروەربێت، بگەڕێنەوە سەر مێزی گفتوگۆ."
هەروەها ئاماژەیان بەوەكردووە "داوا لە هەموو پیاوانی ئایینی و سیاسی و كۆمەڵایەتییەكان كرد دەستوەردان بكەن و دەستپێشخەری بكەن لە پێناو دورخستنەوەی فیتنە و گەڕانەوە بۆ ژیری و دیالۆگ و وڵات لە ئاژاوە و خوێنڕشتنی زیاتر بپارێزن."
چوارچێوە روونیكردۆتەوە "هەموو عێراقییەكان بە نیگەرانییەكی زۆرەوە چاودێری پێشهات و ڕووداوی خۆپیشاندانەكانی برایان لە بزووتنەوەی سەدری و مانگرتنیان لەناو پەرلەمان و ژمارەیەك فەرمانگەی حكومەت دەكەن، بەشێوەیەك گەیشتووەتە هێرشكردنە سەر دامەزراوەكانی دەوڵەت، پەكخستن و هێرشكردنە سەر دامەزراوەكانی دەوڵەت."