لە سنوری ناحیەی خەلیفانی سەر بە ئیدارەی سەربەخۆی سۆران چوار مووشەكی كاتیۆشا كەوتنە خوارەوە، بەڵام زیانی گیانیان نەبووە.
مەغدید عارف، قائیمقامی قەزای سۆران رایگەیاندووە "ئەمشەو لە نزیك گوندی تاراوە لە سنوری ناحیەی خەلیفان چوار موشەكی كاتیۆشا لە شوێنێكی چۆڵ كەوتوونەتە خوارەوە و ھیچ زیانێكی گیانییان نەبووە".
ناوبراو ئاماژەی بەوەكردووە "تا ئێستا سەرچاوە و ئامانجی كاتیۆشاكان دیار نین و لێكۆڵینەوە لە رووداوەكە دەستیپێكردووە".