دەزگای ئاسایشی نیشتمانی عێراق رایدەگەیەنێت، هێزەكانیان لە حەوت پارێزگا شكستیان بە هەوڵێك بۆ قاچاخبردنی بەرهەمە نەوتیەكان هێناوە، 34 تۆمەتباریش دەستگیركراون.
دەزگای ئاسایشی نیشتمانی لە راگەیەندراوێكدا بڵاویكردەوە، "لەچوارچێوەی زنجیرەیەك هەڵكوتانە سەر و دانانی بۆسەدا، هێزەكانی ئاسایشی نیشتمانی توانیویانە بە قاچاخكردنی نزیكەی 763 هەزار لیتر لە بەرهەمە نەوتیەكان پوچەڵ بكەنەوە، پرۆسەكانیش لە هەریەك لە پارێزگاكانی (بەغدا - دیالە - كەركوك - نەینەوا - ئەنبار - قادسیە – بەسڕە) ئەنجامدراون، دەستیش بەسەر 10 خەزانی هەڵگرتنی بەرهەمە نەوتیەكان گیراوە".
راگەیەنراوەكە ئاماژەی بەوەكردووە "ئۆپەراسیۆنەكان بونەتە هۆی دەستگیركردنی 34 تۆمەتبار و دەستبەسەرداگرتنی 30 ئۆتۆمبێلی بارهەڵگر، لەگەڵ داخستنی بەنزینخانەیەك، سەپاندنی غەرامەكردن بەسەر نۆ وێستگەی دیكەدا بەهۆی پێشێلكردنی سیستمەكانی دابەشكردنی بەرهەمە نەوتیەكان".
وەك لە راگەیەنراوەكەدا هاتووە "سەرجەم ئەو كەلوپەل و ماددانەی دەستیان بەسەردا گیراوە لەگەڵ تۆمەتبارەكان ڕەوانەی لایەنە پەیوەندیدارەكان كراون بۆ گرتنەبەری رێكارە یاساییەكان".