رێواس فایەق، سەرۆكی پەرلەمانی كوردستان لە راگەیەنراوێكدا رایگەیاندوە، پاڵپشت بە حوكمی بڕگەی (سێیەم) لە ماددەی (18)ـی پەیڕەوی ناوخۆی پەرلەمانی كوردستان-عێراق، رێواس فائق سەرۆكی پەرلەمانی كوردستان، بانگهێشتی گشت ئەندامانی پەرلەمان دەكات، بۆ دانیشتنی ژمارە (11)ـی ئاسایی خولی پایزەی ساڵی چوارەم، لە كاتژمێر (10)ـی بەیانی (رۆژی یەكشەممە 9ـی تشرینی یەكەم/ئۆكتۆبەری 2022).

بەرنامەی كار بریتی دەبێت لە:

یەكەم: دەنگدان لەسەر پێشنیازەیاسای (بەردەوامبوونی خولی پێنجەمی پەرلەمانی كوردستان-عێراق)، بەپێی حوكمی ماددەكانی (90، 91، 93، 96) لە پەیڕەوی ناوخۆی پەرلەمانی كوردستان.

دووەم: بەردەوامبوون لەسەر خوێندنەوەی دووەم بۆ پڕۆژەیاسای (پەروەردە و فێركاری لە هەرێمی كوردستان-عێراق)، بەپێی حوكمی ماددەكانی (87، 88، 89، 97) لە پەیڕەوی ناوخۆی پەرلەمانی كوردستان.