فەرماندەکەی کۆماندۆ، ئاکام عومەر کە دوێنێ لە ئۆپراسیۆنێکدا لە ناوچە چێناکۆکەکان بە سەختی بریندار بوو، دۆخی تەندروستی باش نییەو دژوارەو بێ هۆشە.

بەپێی ئەو زانیاریانەی دەست " سپی " کەوتووە، فەرماندە ئاکام عومەر دۆخی تەندروستی باش نیییە و بێ هۆشە. ئەمرۆش لە کەرکوک لە مەراسیمێکدا تەرمی ئەفسەر ( زوهیر محەمەد) بە خاک سپێردرا کە لەگەڵ ئاکام گیانی لە دەستدا.

ئەوەی جێگای سەرنجە دوێنێ ئەو هێزەی کۆماندۆ کە لە سنووری تاوێر لە ناوچەی پەڵكانە و زینانە لە گەرمیان ئەو ئۆراسیۆنەیان ئەنجام داوە کە ناوچەیەکی جێناکۆکە نە هێزە عێراقییەکان و نە هاوپەیامنانیان لەگەڵدا نەبووە، لە کاتێکدا جارانی پێشوو هەر ئۆپراسیۆنیک لەو ناوچە جێناکۆکەکانە ئەنجامدرابێت بە هاوئاهەنگی بووە لەگەڵ ئەوان و، تا ئێشتاش هاوپەیمانان و هێزە عێراقییەکان هیچ بەیاننامەیەکیان لەسەر ئەو ئۆپراسیۆنە نییە. هەروەها ئەو ئۆپراسیۆنەی کۆماندۆ بەبێ هێزەکانی ٧٠ و لیواکانی وەزارەتی پێشمەرگە ئەنجام دراوە.

دوێنێ میدیای فەرمی یەكێتی نیشتمانی كوردستان بڵاویكردەوە " لەكاتی راپەڕاندنی ئەركی رەسمیدا بۆ پاراستنی ئارامی و ئاسایش و سەرپەرشتیكردنی ئۆپەراسیۆنێك لە سنووری تاوێر كەوە لەناوچەی پەڵكانە و زینانە لە گەرمیان بۆ روبەڕووبوونەوەی تیرۆر و پاشماوەكانی داعش، چەند بۆمبێكی چێنراو بە ھێزەكانی كۆماندۆی كوردستان تەقینەوە و لە ئەنجامدا ئاكام عومەر فەرماندەی ھێزەكانی كۆماندۆی كوردستان بە سەختی برینداربووە و ملازم زوھێر محەمەد شەھید دەبێت و ٧ پێشمەرگەی تری ھێزی كۆماندۆی كوردستان بریندار دەبن".