وەزارەتی پەروەردەی حكومەتی هەرێم ڕایدەگەیەنێت لە داهاتوویەكی نزیكدا ژمارەیەك باڵەخانەی نوێی پەروەردەیی دەكەونە بواری خزمەت و بەردی بناغەی چەند پرۆژەیەكی نوێش لە پارێزگاكانی هەرێمی كوردستان دادەندرێت.
وەزارەتی پەروەردەی حكومەتی هەرێمی كوردستان لەڕاگەیەندراوێكدا رایگەیاندووە "لەچەند هەفتەی داهاتوو، ژمارەیەك باڵەخانەی نوێی پەروەردەیی دەكەونە بواری خزمەت و بەردی بناغەی چەند پرۆژەیەكی نوێش لە پارێزگاكانی هەرێمی كوردستان دادەندرێت".
لە پارێزگای هەولێر چوار قوتابخانە ( ٣ قوتابخانەی ١٨ پۆلی و ١ قوتابخانەی ٩ پۆلی ) و یەك ( ١ ) باخچەی منداڵانی نوێ تەواوبوون و دەكەونە بواری خزمەتەوە . قوتابخانەیەكی دیكەی (١٢ ) پۆلی و قوتابخانەیەكی (٦ ) پۆلی لەكۆتاییەكانی قۆناغی كاركردنن و تەواو دەبن.
لە پارێزگای سلێمانی یەك (١) قوتابخانەی ١٨ پۆلی و باخچەیەكی منداڵان تەواو بوون و دەكەونە بواری خزمەتەوە .
لە پارێزگای دهۆك بەردی بناغەی دوو ( ٢ ) قوتابخانەی ١٨ پۆلی دادەندرێت .
لە پارێزگای هەڵەبجە بەردی بناغەی یەك ( ١ ) قوتابخانەی ١٢ پۆلی دادەندرێت.
لە پارێزگای هەولێر بەردی بناغەی حەوت (٧) قوتابخانەی نوێ دادەنرێت ، شەش ( ٦ ) قوتابخانەی ١٨ پۆلی و یەك ( ١) قوتابخانەی ٩ پۆلی .