دیدیە دیشامپی ڕاهێنەری فەرەنسا دڵخۆشی خۆی دەربڕی بە سەرکەوتنی تیپەکەی بۆ قۆناغی چارەکی کۆتایی مۆندیال کە لە قەتەر بەڕێوەدەچێت.
فەرەنسا سەرکەوتوو بوو لە بردنەوەی لە پۆڵەندا و بە ئاستێکی زۆر بەرزەوە گەیشتە قۆناغی چارەکی کۆتایی مۆندیال.
دیشامپ دانی بەوەدانا کە یارییەکە ئاسان نەبوو، ستایشی کیلیان مباپێی ئەستێرەی یانەی پاریس سانجێرمان کرد کە ئەمڕۆ جیاوازییەکەی دروستکرد.
دیشامپ لە لێدوانێکدا کە ڕۆژنامەی لیکیپی فەرەنسی ڕاستەوخۆ دوای کۆتایی هاتنی یارییەکە بڵاویکردەوە، وتی: کارێکی ئاسان نەبوو چونکە ئەم تیپە پۆڵەندییە بە باشی ڕێکخرابوو بۆ ئەوەی ئێمە تێکبدات، بەڵام هەمیشە ئەم توانایەمان هەیە بۆ دۆزینەوەی چارەسەری زۆر. وە پاشان، ئەوە کیلیان مباپێیە، بەو توانایەی کە هەیەتی بۆ چارەسەرکردنی زۆرێک لە کێشەکان، کە ئەمەش بۆ ئێمە باشە".
دیشامپ لە کۆتاییدا وتی: هەر لەسەرەتاوە یەکێتی لەنێوان هەردوو یاریزانەکەدا هەبوو. دیارە بوون لە قۆناغی چارەکی کۆتایی زۆر باشە، ئەو هەموو شتێک دەکات. خۆشییەکی هاوبەشە. لەوێ، کاتێکی زیاترمان دەبێت، بۆیە وەک پلانمان بۆ دانراوە، سوود لە ئازیزان و خێزانەکانمان وەردەگرین".