لەکۆنگرەیەکی رۆژنامەوانیدا پێش یاری کۆتایی مۆندیال دژی ئەرجەنتین،دیدیە دیشامپ راهێنەری فەرەنسا باسی لە یاریەکەو ئەو ڤایرۆسە کرد کە رووبەڕووی چەند یاریزانێکی بووەتەوە.
دیشامپ،وتی "سەبارەت بە ڤایرۆسەکە بەیانی ئەمڕۆ یاریزانەکان هێشتا خەوتبوون بۆیە هیچ داتایەکم نییە،ناچمە ناو وردەکارییەکانی ڤایرۆسەکە، دەبێت لەگەڵیدا بژین و لەگەڵ تیمی پزیشکی بەڕێوەی ببەین".
دواتر وتی:" ئەرجەنتینییەکان، پاڵپشتییەکی گەورەیان لە هەموو وڵاتان هەیە لەگەڵ وڵاتەکەی خۆیان... تەنانەت هەندێک فەرەنسی دەیانەوێت ئەرجەنتین سەربکەوێت،ئەرجەنتین هەمان تیپ یان هەمان پلانی ساڵی 2018 نییە، شەش یارییان ئەنجامداوە و ناو و پێگەیان گۆڕیوە. سێ چاودێرمان هەیە کە لێکۆڵینەوەیان لە یارییەکانیان کردووە".
پاشان لەسەر مباپێ وتی "مباپێ پێویستی بە ئارامی و ئارامی هەیە، دەیەوێت سەرنجی لەسەر ئاستی خۆی بێت و نامەوێت لەم کاتەدا ئەو ئارامییە دەروونییە تێکبدەم".
لەسەر ئامادەبوونی بنزیمە،وتی "هەر لەسەرەتاوە بنزیمە توشی پێکان بووە، پرسیاری ئەوە کراوە کە ئایا دێتە یاری کۆتایی... من وەڵام نادەمەوە سەبارەت بە بانگهێشتنامە یان یاریزانە پێکانەکان کە لەوانەیە بێن".
لەکۆتایدا وتی " دەزانم ئەرجەنتین ئامادەیی هاندەرێکی بەهێزی هەیە و لە یاریگاش سەرنجی دەدەین. کەشێکی خۆشی جەژنانە دەبێت. بەڵام ڕکابەرەکانمان لەسەر کورسی یاریگا نین، لە یاریگادان".