رێبەری ڕەوتی سەدر لەنوێترین پەیامیدا داوای لە لایەنگرانی كرد "درێژە بە بەرەنگاربوونەوەی داگیركاریی ئەمریكا بدەن".
موقتەدا سەدر، رێبەری رەوتی سەدر لە وتاری ئەمڕۆی هەینی بە لایەنگرانی راگەیاندووە "پێویستە خەباتیان دژی كۆلۆنیالیزم و داگیركاریی ئەمریكا و ئەوانەی پشتیوانی لە كلتورەكەی دەكەن، بەردەوام بێت".
سەدر ئاماژەی بەوەكردووە "ئەگەر موقتەدا سەدریش مرد ئێوە بەردەوام بن لە نوێژی هەینی، ئەمە ئەركی سەرشانتانە و شكۆی ئاین و مەزهەب و نیشتمانتانە".