وەزارەتی سامانە سروشتییەكانی هەرێم رایدەگەیەنێت، دوای ئەوەی دوێنێ بەهۆی بومەلەرزەكەی توركیاوە هەناردەی نەوتی هەرێم راگیرا، ئەمشەو جارێكی دیكە هەناردەكردنی نەوتی هەرێمی كورستان لە بۆری هەرێم - توركیا دەستیپێكردەوە.
وەزارەتی سامانە سروشتییەكانی هەرێم ئەمڕۆ لەراگەیەنراوێكدا رایگەیاندووە، كاتژمێر 9:45ی ئەمشەو رێكەوتی 7ی شوبات، هەناردەكردنی نەوتی هەرێمی كورستان لە بۆری هەرێم - توركیا دەستی پێكردەوە.
سەرلەبەیانی دوێنێ بەهۆی ئەو بومەلەرزەیەی هەردوو وڵاتی توركیا و سوریای گرتەوە، هەناردەكردنی نەوتی هەرێم لە بەندەرەكانی توركیا ڕاگیرا.