لەسەر دۆسیەی بردنی دوو ملیار و ٥٠٠ ملیۆن دۆلارەكەی دەستەی گشتی باج، ١٥ بەرپرسی دەستەكە دەستگیركرن و بانگهێشتی دادگا دەكرێن.
دەستەی دەستپاكی عێراق لەڕاگەیەندراوێكدا رایگەیاندووە، لەسەر دۆسیەی دیارنەمانی ئەو بڕە پارەیە، سامانی سێ كۆمپانیا لە دۆسیەكەدا سڕكراون و گەشتكردنیش لە خاوەنەكانیان قەدەغەكراوە.
هەر بەپێی راگەیەنراوەكە، بە بڕیاری دادگا بەرپرسی بەشی چاودێری و وردبینی و بەرپرسی بەشی وەڵامەكان و بەرپرسی بەشی نەختینەیی و یاریدەدەری بەشی دارایی و ژمارەیەك فەرمانبەری دەستەی گشتیی باج، بانگهێشت كراون.
لەماوەی رابردوودا دۆسیەی دیار نەمانی دوو ملیار و ٥٠٠ ملیۆن دۆلار ئاشكرابوو كە كردنەوەی ناوخۆیی و دەرەكی لێكەوتەوە كە بە "دزی سەدە" ناسراوە.