وەزیرى بازرگانى هەرێم ڕایدەگەیەنێت" لە سەرەتاى هەفتەى داهاتوهوه دابەشکردنی قەرزی گەنمی جوتیاران دەستپێدەکات".
کەمال موسلیم وەزیری بازرگانی و پیشەسازی هەرێم ئهمرۆ چوارشهممه رایگەیاند" پارەى گەنمى ساڵەکانى (٢٠١٥، ٢٠١٦)ى جوتیاران خراوەتە سەر هەژمارى وەزارەت و رێکارەکانى دابەشکردنەکەى تەواو بووە".
ئەوەشی خستەروو، پارەى جوتیاران بەپێى پارێزگاکان و لە پارێزگاکانى خۆیان دابەشدەکرێت و جوتیاران لە شێوازى دابەشکردنەکە ئاگادار دەکرێنەوە.
ڕۆژی دووشەممەی رابردوو حكومەتی عێراق بڕی ٢٧٢ ملیار دیناری خستە سەر هەژماری بانكی هەرێم كە پارەكە قەرزی گەنمی جووتیارانە بۆ ساڵەكانی ٢٠١٥ و ٢٠١٦.