ئاژانسی ئەنادۆڵی فەرمی تورکیا لە ڕاگەیەندراوێکدا بڵاویکردەوە" لە ئۆپەراسیۆنێكی تایبەتدا لە شاری سلێمانی، ڕەمەزان گونەش ناسراو بە (شۆڕش) کە ئەندامێكی پەکەکەیە دەستگیراوە و گواستراوەتەوە بۆ تورکیا".
ئاژانسەکە ئاماژەی بەوەشکردووە" رەمەزان گونەش بەرپرس بووە لە ئەنجامدانی (١٢) هێرشی چەکداری بۆ سەر سەربازان و هێزە ئەمنییەکانی دەوڵەتی تورکیا لە شارۆچکەی چەلێ سەر بە پارێزگای جۆلەمێرگی باکووری کوردستان و تۆمەتبارە بە کوشتنی (٦٠) سەرباز و پۆلیس و گوندپارێز".
تائێستا دەزگا ئەمنییەكانی پارێزگای سلێمانی و ناوەندی چاپەمەنی و راگەیاندنی هێزەکانی پاراستنی گەل (هەپەگە) هیچ ڕوونكردنەوەیەكی فەرمییان لەمبارەیەوە بڵاونەكردووەتەوە.