راهێنەری یانەی پاریس سانجێرمان کریستۆڤ گالتییە لەسەر یاری سبەی چوارشەممە لە یاری گەڕانەوەی قۆناغی شانزەی چامپیۆنس لیگ دژی یانەی بایرن میونخ قسەی کردوو باسی لە یاریەکە کرد کە کاتژمێر 11:00ئەنجام دەدرێت.
گالتییە وتی :" دەبێت زیاتر لەوەی لە یاری ڕۆشتندا یاری بکەین، دەبێت تۆپەکە زیاتر بهێڵینەوە و بە خێرایی بیگەڕێنینەوە، بە دڵنیاییەوە لەگەڵ مباپێ لە قووڵاییدا وەرزەکە بەندە بە یارییەکەی سبەینێوە، سبەی وەک دەزانین براوە و دۆڕاو هەیە و هەموومان هیوادارین پاریس سانجێرمان بێت، سبەی هەلی سەرکەوتنمان هەیە ".
لەسەر بایرن میونخ وتی :" بایرن تیپێکە کە ڕاهاتووە لەسەر ئەم ڕکابەرییە و ساڵانێکی زۆرە ڕاهاتووە لێرە بن، بەڵام دامەزراوەیەکی گەورەن لە یاریزان و ڕاهێنەر گەورەترن، یاریگایەکی جوانیان هەیە و سبەی پڕ بێت، هیوادارین بۆ ئەوەی سبەی ئارامیمان بمێنێتەوە ڕەنگە لەم دواییانەدا هاوسەنگیمان هەبووبێت، بەڵام ئاستی پێشوومان دابەزیوە بەهۆی ئامادەنەبوون، بەتایبەتی لە ڕۆیشتنی مباپێ و حەکیمی ".
لەسەر نەیمار وتی :" نەیمار 17 گۆڵ و 11 ئەسیستی تۆمارکرد، ئامادەنەبوونی بۆ ئێمە قورسە و هەمیشە بوونی گرنگە، هەندێک ڕەخنەی لێ دەبینم، دەبێت ڕەچاوی ئەو سەختییانە بکەین کە دوای مۆندیال ڕووبەڕووی بووەوە ".
لە کۆتایدا وتی:" دۆنارۆما گۆڵپارێزێکی ئاست بەرزە و جیاوازە، بەهۆی هەڵەکانی بەرامبەر نانت لەگەڵ گۆڵپارێزێکی لەم ئاستەدا کە نابێت دووبارە بکرێتەوە ، هەموو شێوازێکی یاریکردن سوود و زیانی هەیە، ئەم بەیانییە کاتێکی زۆرم لەگەڵ هەندێک یاریزان بەسەر برد بۆ ئەوەی هەندێک شت ڕاست بکەمەوە، ئەوانیش وەک ئێمە کەموکوڕییان هەیە ".