ڕۆژنامەی "سپۆرت"ی ئیسپانی دووپاتی کردەوە کە هێرشبەرە پۆڵەندیەکە ڕۆبەرت لیڤاندۆڤسکی لە ئاستێکی تەواوی توانای جەستەیدایە و ئامادەیە لە کۆتایی ئەم هەفتەیەدا یارییەکەی لالیگا بەرامبەر ئەتلەتیک بلباو بەسەرەکی یاری بکات.
لیڤاندۆڤسکی لە کاتی یارییەکەی بەرشەلۆنە لە لالیگا بەرامبەر ئەلمێریا تووشی پێکان بوو، کە لە هەفتەی کۆتایی مانگی شوباتدا بوو بە گۆڵێکی بێوەڵام دۆڕان.
یاریزانە تەمەن 34 ساڵەکە لە یاریی گەڕانەوەی قۆناغی پێش کۆتایی جامی شای ئیسپانیا بەرامبەر ڕیال مەدرید و هەروەها لە یاری لالیگا بەرامبەر ڤالێنسیا لە کۆتایی هەفتەی ڕابردوودا بەشداری نەکرد.
لە ڕاپۆرتەکەدا هاتووە، کاپتنی پۆڵەندا 100% لە دۆخێکی باشدایە بۆ ئەوەی بە سەرەکی و بە تەواوی 90 خولەک بەرامبەر یانە باسکییەکە لە ڕۆژی یەکشەممە لە سان مامێس یاری بکات.
گەڕانەوەی لیڤاندۆڤسکی لە کاتێکی گرنگدایە بۆ یانەی بەرشەلۆنە، چونکە یارییەکەی بەرامبەر ئەتلەتیک بلباو ڕەنگە سەخت بێت، بەتایبەتی لە دەرەوەی یاریگای خۆی.
لیڤابدۆڤسکی لەوەتەی لە هاویندا پەیوەندی بە یانەکەوە کردووە، لە کۆی 31 یاری لە سەرجەم پاڵەوانێتییەکان 25 گۆڵی تۆمارکردووە و 6 گۆڵی دیکەی دروستکردووە.