سەرۆکی دەستەی کەشناسی و بوومەلەرزەزانی عێراق، عامر جابری ئاشکرای دەکات، هاوینی داهاتوو وشک نابێت و بارانبارین لە مانگی ئازاردا بەردەوام دەبێت.
ئاژانسی هەواڵی عێراق لە زاری، عامر جابری، سەرۆکی دەستەی کەشناسی و بوومەلەرزەزانی عێراقەوە بڵاویکردەوە " کەشەهەوای هاوینی داهاتوو وشک نابێت، بەڵام پلەکانی گەرمی نزیک لە تۆمارکراوەکانی هاوینی پێشتر دەمێنێتەوە".
سەرۆکی دەستەی کەشناسی و بوومەلەرزەزانی عێراقەوە جەخت دەکاتەوە کە ئەمساڵ بارانی باش باریووە پێچەوانەی ساڵانی رابردوو.
" ناوچەکانی هەرێم بارانبارینێکی زۆریان بەخۆیانەوە بینیوە و لە چەند رۆژی رابردوودا بڕی ١٠٤ ملیم باران لە هەرێم باریوە و لە مانگی ئاداریشدا بارانبارین و گۆڕانی کەش بەردەوام دەبێت".( عامر جابری دەڵێت).
ئەوە لە کاتێکدایە کەشناسی هەرێم رێژەی بارانبارینی ئەمساڵی بە بەراورد بە ساڵی پار بە رێژەیەکی بەرچاو زیاتر هەژمار کرد.