بریارە سبەینێ لە هەولێر دەنگدان بۆ هەڵبژاردنی سەرۆکایەتی کۆماری تورکیا دەستپێبکات.
سەرچاوەیەکی ئاگادار ئەمڕۆ پێنج شەممە بە میدیاکانی ڕاگەیاند" سبەینێ هەینی لە پارێزگاکانی هەولێر و بەغداد و بەسرە پرۆسەی دەنگدان بۆ هەڵبژاردنی سەرۆکایەتی کۆماری تورکیا بەرێوەدەچێت کە ماوەی سێ رۆژ بەردەوام دەبێت".
ئاماژەی بەوەشکرد، پێنج هەزار و ٧٤١ کەس هەڵگری رەگەزنامەی تورکیان لە عێراق و لەو ژمارەیەش سێ هەزار و ٨٣٤ کەسیان لە هەولێرن.
هەروەها بریارە لە هەولێر دوو سندوقی دەنگدان و لە بەغدا سندوقێک و لە بەسرەش یەک سندوق دابنرێت و پرۆسەی دەنگدانەکە سێ رۆژ بەردەوام دەبێت کە رۆژانە کاتژمێر ٩ی بەیانی بۆ ٩ی شەو بەردەوام دەبێت.