بەرەبەیانی ئەمڕۆ لە شاری سلێمانی هاوڵاتییەك لە ماڵەكەی خۆیدا كوژراوە و پۆلیسیش دەستی بە لێكۆڵینەوە لە ڕووداوەكە كردووە.
بەپێی زانیارییەكانی (سپی)، بەرەبەیانی ئەمڕۆ تەرمی هاوڵاتیەكی تەمەن 41 ساڵ لەناو ماڵێكدا لە گەڕەكی سەرچناری شاری سلێمانی دۆزراوەتەوە كە بە گوللـە كوژراوە و پێدەچێت هەر لەناو ماڵەكەیدا كوژرابێت، تەرمەكەشی رەوانەی پزیشكی دادی سلێمانی كراوە بەمەبەستی ئەنجامدانی توێكاری.
هەر بەپێی زانیارییەكان، لێكۆڵینەوە لە ڕوداوەكە دەستی پێكردووە، بەڵام تا ئێستا هۆكاری كوژرانی و تۆمەتباری سەرەكی روداوەكە ئاشكرا نەكراوە.