پۆلیسی سلێمانی رایدەگەیەنێت، چوار تۆمەتباریان دەستگیركردووە كە بەنیازبوون لەكاتی تاقیكردنەوە گشتییەكاندا غەش (قۆپیە) بكەن.
پۆلیسی سلێمانی رایگەیاندووە، دوای كۆكردنەوەی زانیاری و چاودێریكردنی چەند تۆمەتبارێك كە بەنیازبوون لەڕێی ئامێری بێ تەل و مۆبایلەوە لەتاقیكردنەوە گشتییەكاندا غەش بكەن، دوای وەرگرتنی بڕیاری دادوەر، توانرا تۆمەتباران لەلایەن مەفرەزەكانی پۆلیسی پارێزگای سلێمانییەوە دەستگیربكرێن.
هەر بەپێی راگەیەنراوەكە، لەكاتی دەستگیركردنی تۆمەتبارەكاندا دەستیشگیرا بەسەر دوو ئامێری بێ تەل و مۆبایل و چەند كەلوپەلێكی ترو لەگەڵ ئۆتۆمبێلێكدا كە تۆمەتباران بەنیازبوون بۆ غەشكردن بەكاریبھێنن.