مێسی ئۆفەرەکانی سعودیە و یانەکەی پێشووی بەرشەلۆنەی ڕەتکردەوە و پێی باش بوو لە ئەمریکا یاری بکات.
ڕۆژی چوارشەممە، لیۆنێل مێسی ئەستێرەی ئەرجەنتینی بووە مانشێتی ڕۆژنامەکانی جیهان. کاتێک پشتڕاستکرایەوە کە پاریس سانجێرمان جێدەهێڵێت و پەیوەندی بە ئینتەر میامی ئەمریکییەوە دەکات.
مێسی کە حەوت جار براوەی تۆپی ئاڵتونی بووە، پێشنیارەکانی سعودیە و یانەی بەرشەلۆنەی پێشووی ڕەتکردەوە و پێی باشتر بوو لە ئەمریکا یاری بکات.
مێسی لە ئاشکراکردنی هۆکاری بڕیارەکەی بۆ پەیوەندیکردن بەو تیپەی کە خاوەندارێتی لە لایەن دەیڤید بێکهامەوەیە ، ئاماژەی بە خواستی خۆی کرد کە سەرنجی لەسەر خێزانەکەی بێت دوای ماوەی دوو ساڵ لە پایتەختی فەرەنسا پڕ لە گێژاو.
هەروەها مێسی دەیەوێت منداڵەکانی لە خوێندنی ئامادەیی لە ئەمریکا بخوێنن، پێش ئەوەی بچنە زانکۆ، ئەمەش وایکردووە گۆڕینی بۆ تۆپی پێی خولی گەورە ببێتە بژاردەیەکی تێگەیشتوو.
ئەنتۆنێلای هاوسەری مێسی و سێ کوڕەکەیان تیاگۆ و ماتیۆ و سیرۆ دەبێت خۆگونجاندن لەگەڵ ژیانی وڵاتەکەدا کەمێک ئاسانتر بێت؛ بەو پێیەی ئێستا چەند ساڵێکە خاوەنی شوقەیەکن لە میامی.
بەپێی هەواڵێکی ماڵپەڕی "givemesport"، مێسی و خێزانەکەی لە شوقەیەکی لوکسدا دەژین بە بەهای 9 ملیۆن دۆلار لەناو تاوەری پۆرشە دیزاین کە 60 نهۆمییە و تەنها چەند چرکەیەک لە میامی بیچەوە دوورە.
جگە لەو دیمەنە سەرسوڕهێنەرانەی کە شوقەکە پێشکەشی دەکات، دانیشتووان دەتوانن سوود لە کۆمەڵێک خزمەتگوزاری تایبەت وەربگرن.
سەرچاوەەکە ڕوونیکردەوە کە یەکەم تایبەتمەندی ناوازە کە لە شوقەکە هەیە کە چەندین بەرزکەرەوەی تێدایە بۆ جێگیرکردنی ئۆتۆمبێلی دانیشتووان؛ ڕێگەدان بە وەستاندنی ئۆتۆمبێلەکانیان.
مێسی دەبێتە بەرزترین مووچە لە مێژووی خولی ئەمریکیدا، مووچەی ساڵانەی مێسی 54 ملیۆن دۆلارە بۆ هەر وەرزێک، کە نزیکەی چوار ئەوەندەی مووچەی ساڵانەی 14 ملیۆن دۆلارە کە تیپی تۆرۆنتۆ دەیدا بە لۆرێنزۆ ئینسینی.
ڕۆژنامەی "ئەتلەتیک" بڵاویکردەوە کە ئەفسانەی بەرشەلۆنە پشکێک لەو داهاتە وەردەگرێت کە بەشداربووانی نوێی خزمەتگوزاری پەخشی وەرزی لە خولی ئەمریکیدا بەدەستی دەهێنن.
هەروەها ئەدیداس زیاتر بۆ خەزێنەی مێسی زیاد دەکات دوای ئەوەی پشکێک لەو قازانجەی پێشکەشی میسی دەکات کە لە بەشداریکردنی لە خولی ئەمریکیدا بەدەستی هێناوە.