ئاژانسی ئەنادۆڵی توركیا رایدەگەیەنێت "سەركردەیەكی پەكەكە كە پلاندارێژەری هێرشی سەر رێستۆرانتی هۆقەبازی شاری هەولێر بووە، لەشاری سلێمانی كوشتویانە"، بەڵام تائێستا پەكەكە هیچ روونكردنەوەیەكی نەداوە.
ئاژانسەكە بڵاویكردەوە "دەزگای هەواڵگریی توركیا -میت لە ئۆپەراسیۆنێكدا لە پارێزگای سلێمانی لە هەرێمی كوردستان كەسێكی بەناوی جەلال كایا كردووەتە ئامانج كە بەرپرسی هەواڵگریی پەكەكە بووە لە عێراق و پلانداڕێژەری ئەو هێرشە بووە كە عوسمان كۆسە، دیپلۆماتی توركیای تێدا كوژرا".
عوسمان كۆسە كارمەندی كۆنسوڵخانەی توركیا بوو و لە تەممووزی 2019 لە رووداوێكی تەقەكردن لە رێستۆرانتی هوقەباز لە شاری هەولێر لەگەڵ دوو هاوڵاتی دیكە كوژران.
هەرچەندە ئاژانسی ئەنادۆڵ ئەو زانیارییەی بڵاوكردۆتەوە، بەڵام تائێستا پەكەكە و دەزگا ئەمنییەكانی سلێمانی رونكردنەوەیان لەو بارەیەوە نەداوە.