پارتی دیموكراتی كوردستان رایدەگەیەنێت، گفتوگۆی بونیادنەرانەیان لەگەڵ یەكێتیدا كردووە و لە چەند رۆژی داهاتووشدا دووبارە هەردوو مەكتەب سیاسی كۆدەبنەوە.
مەحمود محەمەد، وتەبێژی پارتی دیموكراتی كوردستان بە میدیای حزبەكەی راگەیاندووە، لە كۆبوونەوەی پیرمامدا شاندی پارتی و یەكێتی، گفتوگۆی زۆر باش و بونیادنەرانەیان كردووە و لەچەند رۆژی داهاتووشدا دووبارە كۆدەبنەوە.
ناوبراو وتویەتی "هەوڵ دەدەین لەگەڵ یەكێتیدا جیاوازییەكانیان چارەسەر بكەین و بەردەوام یەكتری ببینین و لە یەكتری دوور نەبین".
رۆژی یەكشەممە شاندێكی مەكتەب سیاسی یەكێتی بە سەرۆكایەتی بافڵ تاڵەبانی سەردانی پیرمامیان كرد، بەڵام بەهۆی لێدوانێكی سالار عوسمان، ئەندامی سەركردایەتی پارتی، كۆبوونەوەكە شكستی هێنا و بافڵ تاڵەبانی بە تووڕەییەوە كۆبوونەوەكەی جێهێشت.