پێنج شاری عیراق بەرزترین پلەی گەرما لە جیهاندا تۆماردەكەن و شاری بەسرەش بە ٥٠ پلەی سیلیزی لە ریزبەندی یەكەمی گەرمترین شارەكانی جیهانە.
بەپێی لیستێك كە لایەن وێستگەی "بلاسیرڤیل" لە كالیفۆرنیای ئەمریكایی بڵاوكرایەوە،١٥ ناوچە و شار لە جیهاندا دیاریی كراون كە بەرزترین پلەی گەرمایان لە ماوەی ٢٤ كاتژمێری رابردوو لە جیهاندا تۆماركردووە.
بەپێی لیستی وێستگەكە، شاری بەسرە لە پلەی یەكەمی ریزبەندییەكەدایە و لەماوەی٢٤ كاتژمێری رابردوو بەرزترین پلەی گەرمای لە جیهاندا تۆماردووە، ٤ شار و ناوچەی تری عیراقیش لەنێوان ئەو ١٥ ناوچەیەدان كە بەرزترین پلەی گەرمایان لە جیهاندا تۆماركردووە.