پۆلیسی گەرمیان مەلەکردنی لە بەنداو و رووبارەکانی ناوچەکەدا قەدەغە کرد.
لێپرسراوی بەرگری شارستانی کەلار لە کۆنگرەیەکی رۆژنامەگەریدا ئەمڕۆ یەک شەممە رایگەیاند " بەمەبەستی پاراستنی گیانی هاووڵاتیان بڕیاریانداوە بە قەدەغە كردنی مەلەكردن لە ڕووبار و بەنداوەكانی ناوچەكەدا لە سنووری دەربەندیخانەوە تا ناحیەی گوڵاڵە".
هەروەها ئاشکراشی کرد کە تا ئێستا ئەمساڵ لە سنوری گەرمیا، سێ کەس لە کاتی مەلەکردندا خنکاوە.
ڕۆژی هەینی ڕابردوو، كچیكی تەمەن ١٧ ساڵ لە یەكیك لە بەنداوەكانی سنووری گەرمیان لەكاتی مەلەكردندا خنكا.