لە هەفتەی 14ی لالیگا یانەی بەرشەلۆنە لە مەدرید بووە میوانی یانەی رایۆڤایکانۆ و لە ئەنجاندا نەیتوانی یاریەکە بباتەوەو 1-1یەکسانبوو.
چاڤی راهێنەری بەرشەلۆنە رەخنەی لە بڕیارەکانی ناوبژیوان گرتوو بەهۆکاری یەکسانبوونەکەی زانی.
چاڤی دەڵێت :" لەسەر گۆڵی یەکەم لەگەڵ ناوبژیوانی لاکان قسەم کرد، پێی وتم گومان هەیە، بەڵام لە کۆتاییدا گۆڵەکەیان بۆ ئەژمار کرا ئەمانە بارودۆخی سەختن کە بە پێچەوانەی ئێمە دەڕۆن، لێدانی سزاش هەبوو لە بەرژەوەندی ڕافینها، بەڵام نابێت بەوەوە بوەستین لەگەڵ ئاستی ئێمە لە گێمی یەکەمدا، کاتی ئەوە هاتووە ڕەخنە لە خۆمان بگرین.
دواتر چاڤی وتی :" لێدانە سزاکە ڕوون بوو، لێدانەکەم بینی و هەمووانیش ئەوەیان پێوتم ئێمە بەم بڕیارە مشتومڕاوییانە ئازارمان پێدەگات، بیانوو نییە، یەکسان بووین چونکە لە گێمی یەکەمدا باش نەبووین.
لە بەردەوامی قسەکانی چاڤی وتی : پێویستە ڕەخنە لە خۆمان بگرین و باشتر بین. دەبێت زۆر لە ئاستەکە نزیک بین لەوەی لە گێمی دووەمدا بووین لە گێمی یەکەمدا زاڵ بووین، بەڵام شەڕانگێز نەبووین، لە گێمی دووەمدا تەنها ئەوەمان دەویست بتوانین گۆڵی زیاتر تۆماربکەین، دەبێت ڕەخنە لە خۆمان بگرین و پێشبکەوین، دەبێت لەوە زیاتر نزیک ببینەوە کە دەیکەین".
لە کۆتایدا چاڤی وتی : دەتوانین مێزەکان هەڵگەڕێنینەوە هێشتا کات ماوە، دەبێت عەقڵیەتی تیپەکە بگۆڕێت، دەبێت لە خولەکی یەکەمەوە بچین بۆ بردنەوە دی یۆنگ یاریزانێکی زۆر گرنگە لە دەرچوون لەگەڵ تۆپ و کۆنتڕۆڵکردنی خێرایی، هەستی بە ئاسوودەیی دەکرد لە یاریکردن و توانی ٩٠ خولەک یاری بکات، ئەمەش بۆ تیپەکە زۆر گرنگە.