لە دهۆک بەهۆی رووداوێکی تەقەکردن دوو کەس گیانیان لەدەستدا.

ئەمڕۆ پێنجشەممە ١٤ی کانونی یەکەمی ٢٠٢٣ پۆلیسی دهۆک رایگەیاند"  کەمێک پێش ئێستا لە نزیک پارکی دڵشاد محەممەد سەعید رووداوێکی تەقەکردن روویدا و بەهۆیەوە دوو کەس کوژران".

بە گوێرەی زانیارییەکان ئەم دووکەسە خزمی یەکترن و لە ئێستادا تەرمەکانیان رەوانەی پزیشکی دادی دهۆک کراون.

تاوەکو ئێستا پۆلیس هیچ زانیارییەکی لەبارەی هۆکاری رووداوەکە و ناسنامەی کوژراوەکان  ئاشکرانەکردووە.