دوای ئەوەی لە بەیانی ئەمڕۆوە ناوەندەكانی دەنگدان بە ڕووی دەنگدەرانی تایبەت بۆ هەڵبژاردنی ئەنجوومەنی پارێزگاکانی عێراق كرانەوە، كەمێك پێش ئێستا پرۆسەكە كۆتاییهات.
لە کاتژمێر (٧:٠٠)ی بەیانی ئەمڕۆ شەممە دەنگدانی تایبەت بۆ هەڵبژاردنی ئەنجوومەنی پارێزگاکانی عێراق دەستیپێکرد و کەمێک پێش ئێستاش پرۆسەی دەنگدان کۆتایهات و دەرگای ناوەندەكانی دەنگدان داخران و كۆمسیۆنیش ماوەكەی درێژنەكردەوە.
لە دەنگدانی تایبەتدا یەک ملیۆن و دوو هەزار و ٣٩٣ کەس لە سەرانسەری عێراقدا لە (٥٦٥) بنکە کە لە (٢٣٦٧) وێستگە پێکهاتووە، مافی دەنگدانیان هەیە.
بڕیارە رۆژی دووشەممە ١٨ی کانوونی یەکەمی ٢٠٢٣ دەنگدانی گشتی بەڕێوەبچێت و کۆتایی بە هەڵبژاردنی ئەنجوومەنی پارێگاکانی عیراق دێت.