کۆمسیۆنی هەڵبژاردنەکانی عێراق رایدەگەیەنێت" سەرجەم ئامادەکارییەکان بۆ دەنگدانی گشتی تەواوبوون".
داود سەلمان خوزەیر بەڕێوەبەری مەشق و ر‌اهێنان لە کۆمسیۆنی باڵای سەربەخۆی هەڵبژاردنەکانی عێراق، ئەمڕۆ یەکشەممە رایگەیاند" سەرجەم پێداوسیتییە لۆجستیکیەکان بۆ بنکە و وێستگەکانی دەنگدان گواسترانەوە و زۆرینەی کامێراکانی چاودێری لە بنکەکان دانراون".
ئاماژەی بەوەشکرد، كۆمسیۆن هەموو كارەكانی بۆ دەنگدانی گشتی سبەینێ دووشەممە تەواوكردووە و ئەمنێتی ناوەندەكانی دەنگدانیش مسۆگەر كراون.
ئەوەشی خستەڕوو، دوای کۆتایهاتنی پرۆسەی دەنگدانی گشتی راستەوخۆ دەنگەکان جیادەکرێنەوە و دوای (٢٤) کاتژمێر ئەنجامە بەراییەکان بڵاودەکرێنەوە.
بەرەبەیانی دوێنێ دەنگدانی تایبەت بۆ ئەنجوومەنی پارێزگاكانی عێراق دەستیپێکرد، بەپێی ئامارێکی كۆمسیۆن زیاتر لە ٧٠٦ هەزار كەس دەنگی داوە، بڕیارە سبەینێش دەنگدانی گشتی بەڕێوەبچێت و کۆتایی بە هەڵبژاردنی ئەنجوومەنی پارێگاکانی عیراق دێت.