وەزارەتی گواستنەوەو گەیاندنی حکومەتی هەرێم داوا لە حکومەتی بەغدا دەکات پەیوەندی کۆڕەک تیلیکۆم و ئاسیا و زەین عێراق ببەستێتەوە، بەپێی داواکەی حکومەت هاوڵاتی زەرەری کردووە.
وەزارەتی گواستنەوە و گەیاندنی حكومەتی هەرێمی كوردستان نوسراوێكی فەرمی ئاراستەی سەرۆكایەتی ئەنجومەنی وەزیرانی عیراقی فیدڕاڵ کردووە، سەبارەت بە سكاڵای هاوڵاتیان دەربارەی ئەو زیانەی پێیان گەیشتووە لە بڕیاری پچڕاندنی هێلی پەیوەندی لەنێوان كۆمپانیای كۆڕەك تیلیكۆم و كۆمپانیاكانی(زەین عیراق -ئاسیا سێڵ ) كە لەسەر ئاستی نێوخۆیی و نێودەوڵەتی وەستێنراوە.
وەزارەتی گواستنەوە و گەیاندنی حكومەتی هەرێمی كوردستان ئەم بڕیارەی دەستەی ڕاگەیاندن و گەیاندنی عیراق بە " نادادپەروەرانە لە قەڵەم دەدات"و، داوادەكات پەیوەندیەكان بگەڕێندرێنەوە باری ئاسایی خۆیان تاكو ئەم كێشەیە چارەسەر دەكرێت لە چوارچێوەی گفتوگۆ بەپێی یاسا و بڕیاری كۆتایی دادگاكان لە پێناو بەرژەوەندی گشتی هاوڵاتیانی هەرێمی كوردستان و عیراق كە ژمارەی هاوبەشەكان بە ملیۆنەها بەشدرابوو دەخەمڵێندرێت .
لە مانگی ئابی یەکەمی ٢٠٢٣ بەهۆی سکاڵای دەستەی پەیوەندیەکان و راگەیاندنی عێراق کۆرەکە تیلیکۆم سزا درا، بەمەش پەیوەندیەکانی لەگەڵ هەردوو کۆمپانیای ئاسیا سێڵ و زەین راگیراو پەیوەندیەکانی بەدەرەوەی وڵاتیشەوە لە کاتەوە راگیراوە.