کەشناسی هەرێم ڕایدەگەیەنێت" لە ڕۆژی دووشەممەی ئەم هەفتەیەوە پلەکانى گەرما ڕوو لە نزمبونەوە دەکات و به‌فر له ناوچە سنوریه‌كان ده‌بارێت".
به‌ڕێوه‌به‌رایه‌تی گشتی كه‌شناسی و بومه‌له‌رزه‌ی هه‌رێمی كوردستان، ئەمڕۆ شەممە رایگه‌یاند" لە ئێوارەى رۆژى یەکشەممەوە بەرزە پاڵە پەستۆی سیبیرى کاریگەرى لەسەر ناوچەکەماندا دەبێت و خێرایی با چاڵاک دەبێت بە تایبەتی لە سنورى پارێزگاى سلێمانى و کەرکوک و ئیدارەى گەرمیان".
ئاماژەی بەوەشکردووە، لە رۆژى دووشەممەوە پلەکانى گەرما ڕوو لە نزمبوونەوە دەکات کە تێیدا بەرزترین پلە (٤ – ٦) پلەى سیلیزی دادەبەزێت و نزمترین پلەکانى گەرما لە زۆربەى ناوچەکان دەگاتە سفرى سیلیزى، وە بارینی بەفر لە ناوچە شاخاوییە سنوریەکان.