هاوسەری پێشووی دانی ئەلڤێس، خوانا سانز، بەبێ ئاگاداری نامەیەکی بڵاوکردەوە کە یاریزانەکە بۆی نووسیبوو، پێش ئەوەی بە خێرایی پۆستەکەی لە سۆشیال میدیا بسڕێتەوە.
ئەلڤێسی تەمەن ٤٠ ساڵ کە ڕۆژی پێنجشەممە سزای چوار ساڵ و نیو زیندانی بەسەردا سەپێندرا، دوای ئەوەی لە مانگی کانوونی دووەمی ٢٠٢٢دا بە تاوانی دەستدرێژیکردنە سەر ژنێک لە تەوالێتی یانەیەکی شەوانەی بەرشەلۆنەدا، پێدەچێت نامەیەکی بۆ هاوبەشی پێشووی خۆی نووسیبێت پێش دادگاییکردنی.
لەو نامەیەدا کە بە هەڵە لە سۆشیال میدیا ئاشکرا بووە، ئەلڤێس داوای لێبوردن لە سانز دەکات و سوپاسگوزاری خۆی بۆ خۆڕاگرییەکەی دەربڕیوە، هەروەها ئەلڤێس خۆشەویستی نەمری خۆی بۆ سانز ڕاگەیاندووە و ستایشی هێزی دەکات لە کاتی دۆسیە ئابڕووچوونەکەیدا.
ئەلڤێز خواستی خۆی دەربڕیوە کە لەگەڵیدابێت لە هەموو ڕێگایەکدا، دانی بە بوونی ئەودا نا لە هەموو لایەنەکانی ژیانیدا.
لە پەیامەکەدا کە دواتر لە ئینستاگرام سڕاوەتەوە، ئەلڤێس دەڵێت: ئەوەی خەونم پێیەوە بینیوە و تا ئێستاش خەونم پێیەوە دەبینم، دەمەوێت هەموو ڕێگاکە لەگەڵ تۆدا بڕۆم، هەرگیز من ژنێکی هەڵەم نەبووە، بەڵێ ئەوە تۆ بوویت.
ئاماژەی بەوەشکردووە، یەک ڕۆژ نییە، یەک سات نییە، یەک پلان نییە کە تێیدا نەبیت، هەموو ڕۆژێک لە خودا دەپاڕێمەوە کە ڕۆژێک بێت کە بتوانم بتبینم لە خەو هەڵدەستیت.
یاریزانە پێشووەکەی بەرشەلۆنە لە درێژەی قسەکانیدا وتی: نۆستالژیا مانای ئەوە نییە کە ئێستا نەتوانم ئەو کارە بکەم، هەرچییەک بێت، بەڵام لەگەڵ تۆ هەمیشە لە تەنیشتم، هەست بە هەستێکی سەیر دەکەم، خۆشم دەوێیت.
سانز سەرەتا لە مانگی ئەیلولدا لە پەیجی تایبەتی خۆی لە ئینستاگرام "نامە خۆشەویستییەکەی" بڵاوکردەوە، بەڵام بە خێرایی سڕیەوە و هۆکارەکەی گەڕاندەوە بۆ هەڵەیەک.
دوای ئەوەی ئەلڤێس سزای زیندانیکردنی بەسەردا سەپێندرا و بڕیاردرا قەرەبووی قوربانییەکە بداتەوە بە بڕی ١٣٠ هەزار پاوەند (١٥٠ هەزار یۆرۆ)، هەواڵەکان لە ئیسپانیا باس لەوە دەکەن کە پێدەچێت ئەلڤێس هەر لە ٢٠ی تەمموزەوە ئازاد بکرێت، دوای ئەوەی سێیەکی سزاکەی بەسەربردووە .
باس لەوەش کراوە کە ڕەنگە ئەلڤێس لە ڕۆژدا بۆ کار یان چالاکییەکانی دیکە ئازاد بکرێت و شەوانە بگەڕێتەوە بۆ دەستبەسەرکردن، ئەمەش بەپێی یاساکانی ئیسپانیا.
ئەلڤێس لە دوو سەردەمدا لە یانەی بەرشەلۆنە یاری کردووە، هەروەها یاری بۆ یانەی سیڤیلیا و یۆڤانتۆس و پاریس سانجێرمان و ساوپاولۆ کردووە.
ئەلڤێس مێژوویەکی تۆمارکرد و بووە بەتەمەنترین یاریزان کە نوێنەرایەتی بەڕازیل بکات لە مۆندیالی کانوونی دووەمی ٢٠٢٢ کە لە قەتەر بەڕێوەچوو.