کۆمسیۆنی باڵای سەربەخۆی هەڵبژاردنەکانی عێراق لە
٥ ەوە تا ١٤ ئایار هەر حیزب و لایەنێکی سیاسیی لە هەرێمی کوردستان دەتوانن ناوی
خۆیان تۆمار بکەن بە مەبەستی دروستکردنی هاوپەیمانێتی.
ئەمڕۆ یەک شەممە لە ئاگادارییەکدا کۆمیسیۆنی باڵای
سەربەخۆی هەڵبژاردنەکانی عێراق دەرگای بۆ تۆمارکردنی حیزب و لایەنە سیاسیەکانی
هەرێمی کوردستان کردەوە بۆ تۆمارکردنی هاوپەیمانێتی.
بەپێی ئەو راگەیاندنە " پێویستە لایەنەکان بۆ
تۆمارکردنی حیزب و لیستەکانیان سەردانی بارەگای کاروباری حیزب و رێکخراوەکان بکەن
لە بەغداد یاخود ئۆفیسەکانیان لە هەرێمی کوردستان".
ئەمڕۆ یەک شەممە سەرۆکی هەرێمی کوردستان بڕیاریدا
رۆژی ١٠/٦/٢٠٢٤ هەڵبژاردنی پەرلەمانی کوردستان بەڕێوەبچێت.