بەهۆی دواکەوتنی مووچەی مووچەخۆرانی هەرێمەوە، بۆ دووەم رۆژە لە ژمارەیەک فەرمانگەی گرنگی پارێزگای سلێمانی درێژە بە بایکۆت دەدرێت.
پەیامنێری ( سپی ) ئاماژە بۆ ئەوە دەکاتە ئەمڕۆش دوو شەممە ١٨ ی ئازار فەرمانبەرانی خانەنشینی پێشمەرگە، کارمەندانی بانکی مەڵکەندی، کارمەندانی پۆلیسی هاتوچۆ بەردەوامن لە بایکۆتکردن.
دوێنێش مامۆستایانی ناڕازی کە نزیکی مانگێکە گەڕاونەتەوە پۆلەکانی خوێندن لە راگەیاندنێکدا هەڕەشەی سەرلەنوێ خۆپیشاندان و بایکۆتی بەرفراوان دەکەن.
پێشبینی دەکرێت گەر ئەمڕۆ دەستنەکرێت بە دابەشکردنی مووچە بایکۆت و ناڕەزایییەتییەکان و خۆپیشاندان بەرفراون بێت و بەتەواوی کاروبارەکانی حکومەتی هەرێم لە سنوری سلێمانی تووشی شکست بێت.
ماوەی ٥٠ رۆژە مووچەخۆرانی هەرێم مووچەیان وەرنەگرتووە، هەروەها ساڵی رابردووش سێ مووچەیان وەرنەگرت.