دەرەوازەی نێودەوڵەتی حاجی ئۆمەران رایدەگەیەنێت" لە رۆژانی جەژنی نەورۆزدا هاتووچۆی گەشتیاری و جموجۆڵی بازرگانی لە دەروازەکە ئاسایی دەبێت".
دەرەوازەی نێودەوڵەتی حاجی ئۆمەران، ئەمڕۆ سێشەممە لە راگەیەندراوێكدا ئاگاداری کۆمپانیاکان و بازرگانان و تەواوی هاوڵاتییانی هەرێمی کوردستان دەکاتەوە کە لە ڕۆژانی سەری ساڵی نوێی کوردی و جەژنی نەورۆزدا، جموجۆڵی بازرگانی و هاتووچۆی گەشتیاری لە نێوان دەروازەی نێودەوڵەتی حاجی ئۆمەران و دەروازەی تەمەرچینی ئێران بەردەوام و ئاسایی دەبێت.
ئاماژەی بەوەشکردووە، لە رۆژانی جەژنی نەورۆزدا هاوڵاتییان و کۆمپانیاکان دەتوانن بە شێوەی ئاسایی گەشت و جموجۆڵە بازرگانییەکانیان ئەنجامبدەن.