کەشناسی هەرێم ڕایدەگەیەنێت" ئەمشەو بارانبارین بەردەوام دەبێت و بەفریش لە ناوچە شاخاوییەکان دەبارێت".
ئەمشەو سێشەممە بەڕێوەبەرایەتی گشتی کەشناسی هەرێم لە ڕاگەیەندراوێکدا بڵاویکردەوە" لە ئەنجامی بەردەوام بونى کاریگەرى هەردوو نزمە پاڵە پەستۆى دەریاى سوور و ناوەراست لەسەر هەرێمى کوردستان، پێشبینى دەکرێت ئەمشەو باران بارین بەشێوەى نمە باران و مام ناوەند کە هەندێ جار هەورە تریشقەشی لەگەڵ دەبێت، هەروەها بەفریش لە ناوچە شاخاوییە سنوریەکان دەبارێت".
هەروەها کەشناسی هەرێم پێشبینیشدەکات کە رێژەى باران بارینى بەمشێوەیە دەبێت تا ٩ى بەیانى:
هەولێر ٩ - ١٥ ملم
سلێمانی ٨ - ١٢ ملم
دهۆک ١٠ - ١٦ ملم
هەڵەبجە ١٠ - ١٥ ملم
راپەرین ١٢ - ١٦ ملم
گەرمیان ٧ - ١٢ ملم
زاخۆ ١٠ - ١٥ ملم
سۆران ٨ - ١٢ ملم