وتەبێژی
حکومەتی ( ماوە بەسەرچووی هەرێم) لەسەر " دادگای فیدراڵی و بڕیارەکانی بە ناڕاستەوخۆ
هێرشدەکاتە سەر بافڵ تاڵەبانی و سەرکردەکانی یەکێتی و بە " خاک فرۆش "
تاوانباریان دەکات.
پێشەوا
هەورامی وتەبێژی حکومەتی هەرێم ئەمشەو ٢٢ ی ئازار لە راگەیاندنێکدا دەڵێت " لەبارەی مەحکەمەی نادەستوری و نا
فیدراڵی! ئێمە هەموومان لەگەڵ سەروەری یاسا و دادگایەکی بێ لایەن و دەستورین.
بەڵام تا ئێستا بە پێی دەستور، عێراق دادگایەکی دەستوری نیەو ئەو دادگایە بە نا
دەستوری بەردەوامەو بڕیارەکانیشی نا یاسایی و نا دەستورین".
لەبارەی ئەو لایەنانەی کە لە
کوردستان ئەو دادگایە بە دەستوری ناوزەد دەکەن، پێشەوا هەورامی دەڵێت" ئەوانەی
لە کوردستان پشتگیری ئەم دادگایە دەکەن لە بەر ئەوەیە لە بەرژەوەندی ئەوان
هەڵسوکەوت دەکات و بڕیاری نا دەستوری دەدات. بەڵام پێویستە خەڵکی کوردستان بزانێت
کە خۆفرۆشان لایان گرنگ نیە چەند مافی دەستوری کوردستان بە دەستەوە دەدەن، بەهۆی ئەوەی ئەم بەناو دادگایە لە
بەرژەوەندی ئەوان و دژی حکومەت بریار دەدات مافی دەستوری هەرێم پێشێل بکرێت".
لە کۆتایی لێدوانەکەیدا، پێشەوا
هەورامی دەڵێت" کاتی ئەوە هاتووە خەڵکی بە شەرەفی کورستان بەرامبەر بە
خاکفرۆش و ماف فرۆشان هەڵوێستی جدی وەرگرن و رووبەروویان ببنەوە".
ئەمرۆ بافڵ تاڵەبانی و چەند بەرپرسێکی یەکێتی لە لێدوانی جیاجیادا
جەختیان لەسەر ئەوە کردەوە کە دادگای فیدراڵی دادگایەکی دەستورییەو بڕیارەکانی
دەبێت جێبەجێبکرێت.
پارتی و یەکێتی و گۆڕان هاوبەشی ئەم
کابینەیەی ئێستان و فەرمانگەو دەزگاکانیش دابەشکراوە بەسەر هەرسێ لایەندا، بەلآم
زۆرجار بەرپرسانی حکومی کە لێدوان دەدەن، لێدوانی حزبی و دەژە یەک دەدەن و
هێرشدەکەنە سەر یەکتر.