بانکی ناوەندی عێراق خشتەی فرۆشی دۆلاری بۆ ئەمڕۆ بڵاوکردەوە کە ئاستی خستنەڕووی دۆلاری بەشێوەی کاش، بەشێوەیەکی بەرچاو بەرز کردوەتەوە.
ئەمڕۆ دووشەممە ٨ی نیسانی ٢٠٢٤، بانکی ناوەندی بڕی ٢٧٨ ملیۆن و ٥٢٥ هەزار و ٣٣٢ دۆلاری خستە بازاڕەوە، کە ٢٣٨ ملیۆن و ١٢٠ هەزار و ٣٣٢ دۆلاری بەشێوەی حەواڵە و ٤٠ ملیۆن و ٤٠٥ هەزار دۆلاریشی بەشێوەی کاشە.
ئەمە لە کاتێکدایە رۆژی یەک شەممە بانکی ناوەندی بڕی ٢٥٥ ملیۆن و ٤٥٣ هەزار و ٢٣٠ دۆلاری خستە بازاڕەوە، کە ٢٣٢ ملیۆن و ٧٣٣ هەزار و ٢٣٠ دۆلاری بەشێوەی حەواڵە و ٢٢ ملیۆن و ٧٢٠ هەزار دۆلاریشی بەشێوەی کاشە.
نرخی ١٠٠ دۆلاری ئەمریکی لە بەیانیدا بە ١٤٨ هەزار عێراقی مامەڵەی پێوەدەکرێت.